India / Entertainment
કપિલની 'દાદી' અલી અસગરે સુનિલ ગ્રોવરના કારણે કપિલનો શો છોડ્યો ન હતો
03:06 PM on 14th June, 2017

'ધ કપિલ શર્મા શો' ની દાદી અભિનેતા અલી અસગરે કપિલનો શો છોડવાનું સાચું કારણ જાહેર કર્યું છે પણ આ કારણ કપિલ દ્વારા સુનિલ ગ્રોવરના અપમાનની ઘટના નથી.

અભિનેતા અલી અસગરે કપિલનો શો છોડવાનું કારણ જાહેર કરતાં કહ્યું કે,''જે બન્યું તે ખોટું હતું,તે બનવું જોઇતું ન હતું.તે દુર્ભાગ્યપૂર્ણ છે.એક સમય આવે છે જ્યારે તમારે ચોકક્સ નિર્ણય કરવા પડે છે.હું શો અને તે સ્ટેજને બહુ યાદ કરું છું.એક ટીમની જેમ અમે હંમેશા સાથે હતા પણ હવે એક સમય છે જ્યારે પ્રોફેશનલી એક નિર્ણય લેવાનો સમય આવ્યો છે.અમુક રચનાત્મક મતભેદોને કારણે મેં શો છોડ્યો છે.મને લાગ્યું કે,ત્યાં મારા પાત્રમાં વિકાસનો કોઇ અવકાશ ન હતો.''

 

સુનિલ ગ્રોવર સાથે કપિલે વિમાનમાં કરેલા ઝઘડાને કારણે તેણે શો છોડ્યાની વાતને નકારી હતી.તેણે કહ્યું કે,''અમે લાંબો સમય સાથે કામ કર્યું પણ એક ચોક્કસ સમય પછી મને લાગ્યું કે,આગળ વધવું જોઇએ.કપિલ અને તેની ટીમ સાથે રચનાત્મક મતભેદના કારણે મેં શો છોડ્યો હતો.મારું પાત્ર વિક્સી રહ્યું ન હતું,તે સ્થિર બની રહયું હતું,તેમાં સુધારાને કોઇ અવકાશ ન હતો.''

હોલીવુડ ફિલ્મ 'ડિસ્પેકેબલ'ના સ્ક્રિનિંગમાં આવેલા અલી અસગરે મીડિયા સાથેની મુલાકાતમાં આ વાત કહી હતી.

 
 

Read Also

 
Related News