India / gujarath
સાવરકુંડલાની કુદરતી ફટાકડા ઇંગોરિયાની 100 ટકા ઇકો-ફ્રેન્ડલી,સ્વદેશી દિવાળી !
05:47 PM on 24th October, 2016

હાલમાં ઇકો-ફ્રેન્ડલી વાતો કરવાનો જમાનો અને ફેશન છે.દિવાળીમાં ફોડાતા ફટાકડા પર્યાવરણને નુકસાન કરે છે તેવું હવે કહેવામાં આવી રહ્યું છે.પહેલા એવું કહેવાતું કે,ચોમાસાની ભેજવાળી હવા અને જીવાતોનો ફટાકડાના ધૂમાડા નાશ કરે છે.ખૈર....ઇકો-ફ્રેન્ડલીના જમાનામાં વાત કરવાની છે ઇકો-ફ્રેન્ડલી ફટાકડાની.....હા, સાચ્ચે જ..આ ઇકો-ફ્રેન્ડલી ફટાકડાના ખોખા ઝાડ પર ઉગે છે.....આ દેશી.સ્વદેશી,પર્યાવરણ પ્રિય ફટાકડાનું દેશી નામ છે...ઇંગોરિયા.....

 

 

ઇંગોરિયા નામના દેશી ફટાકડા, અમરેલી જિલ્લાનું સાવરકુડંલા દસકાઓથી ફોડે છે.સાવરકુંડલાના લોકો દિવાળી આવતા પહેલાં જાતે ઘરે ઇંગોરિયા ફટાકડા બનાવે છે અને દિવાળીમાં વેંચે છે.છેલ્લા બે વર્ષ દરમિયાન ઇંગોરિયા ફટાકડાની સમાચાર સ્ટોરીઓ ટેલિવિઝન ચેનલોમાં બતાવાતા હવે અંગોરિયાની બજાર માંગ પણ ઉભી થઇ રહી છે.ઇંગોરિયા કુજરતી,પ્રાકૃતિક,વનસ્પતિજન્ય ફટાકડા છે.જો કે,તેને સંપૂર્ણ ફટાકડા ન કહેવાય કારણ કે,ઇંગોરિયામાં દારૂ ભરવો પડે છે.ફટાકડા બનાવવા માટેના કુદરતી ખોખા છે ઇંગોરિયા.

આ ઇંગોરિયા ફટાકડામાં ઇંગોરિયા નામનું એક જંગલી ફળ છે જે લંબગોળ હોય છે અને મોટા પરવડ જેવું દેખાય છે.તે સુકાયા પછી તેના બીજ અંદરથી કાઢી લેવાતા તે મજબૂત ખોલ કે ખોખું બની જાય છે.દોરાની ખાલી કોકોડીઓ હોય છે તેમાં દારૂ (લોખંડ અને એલ્યુમિનિયમનો પાઉડર અને સુરોખાર)ભરવામાં આવે છે અને દારૂનો પાઉડર ભરેલી કોકડીને ઇંગોરિયાની અંદર ફીટ કરી દેવામાં આવે છે.

 

 

દિવાળીના દિવસોમાં સાવરકુંડલાના લોકો આ ઇંગોરિયાથી યુદ્ધ રમે છે.ઇંગોરિયાને સળગાવી એક બીજા ઉપર ફેંકે છે.હાથમાં જ ઇંગોરિયાવને સળગાવી ફેંકવા તે પણ પ્રેકટિસ માગી લે છે અને સાવરકુંડલાના લોકો આ બાબતમાં વારસાગત હોંશિયારી ધરાવે છે.કારણ કે,આટાલ વર્ષોમાં ક્યારેય કોઇ સળગતા ઇંરિયાથી દાઝ્યાની કે ઇજા થયાની ઘટના નથી બની.

 
 

Read Also

 
Related News