India / gujarath
ગિરનારની 36 કિલોમીટરની લીલી પરિક્રમાનો શુભારંભ...બોલો જય ગિરનારી
05:33 PM on 12th November, 2016

ગિરનાર....જે હિમાલય કરતાં પણ જુનો છે અને જ્યાં 9 નાથ અને 84 સિદ્ધો બિરાજે છે.ભવનાથ મહાદેવનો જ્યાં વાસ છે અને ભારતનું કદાચ સૌથી મોટું સિદ્ધ ક્ષેત્ર છે તે ગિરનાર પર્વતની લીલી પરિક્રમા એટલે સંતો,સાધુઓ,સિદ્ધો અને નવ નાથની પરિક્રમા. સૌરાષ્ટ્ર અને ગુજરાતમાં ગિરનારની લીલી પરિક્રમાનું મોટું અને મહત્વનું ધાર્મિક અને આધ્યાત્મિક મહાત્મય છે.

 

દેવઉઠી અગિયારસથી પૂનમ સુધીની આ લીલી પરિક્રમા ભવ્ય ધાર્મિક પર્વ છે.ચોમાસું પુરું થયા પછી તરત આ પરિક્રમા યોજાતી હોવાથી તેને કદાચ લીલી પરિક્રમા કહે છે કારણ કે,ગિરનાર અને ગિરનારનું જંગલ આ સમયે લીલુંછમ હોય છે.કુદરતની સુંદરતા અને શાંતિ ચારે તરફ પથરાએલા હોય છે.

4થી5 દિવસની અને 36 કિલોમીટર લાંબી આ લીલી પરિક્રમાના માર્ગોમાં સેવાભાવી લોકો સતત ઉપસ્થિત રહી યાત્રીઓને ભોજન-પાણી-દવાની સેવા પુરી પાડે છે.

 

 

લીલી પરિક્રમા દરમિયાન છેલ્લા વર્ષોમાં પ્લાસ્ટિકની થેલીઓ ગિરનારના જંગલ માટે મોટું જોખમ બની હોય લોકોને કાપડની થેલીઓ લઇ જવા લોકોને વિનંતી કરવામાં આવે છે તે સાથે એક સેવાભાવી સંસ્થા લીલી પરિક્રમા માટે આવતા લોકોને દર વર્ષે કાપડની 5 લાખ થેલીઓ નિઃશુલ્ક આપે છે અને લોકો પાસેની પ્લાસ્ટિકની થેલીઓ લઇ લે છે જેથી ગિરનારના જંગલમાં પ્લાસ્ટિકનું પ્રદૂષણ ન ફેલાય.

આજથી પૂનમ સુધી ગિરનાર સિદ્ધ ક્ષેત્રમાં જય ગિરનારીના ભક્તિ સૂત્રો સંભળાશે.

 
 

Read Also

 
Related News