India / gujarath
ગુજરાતમાં વર્ષ 2002ના તોફાનોમાં તૂટેલા ધર્મસ્થાનોના સમારકામના ખર્ચનો મામલોઃ ગુજરાત હાઇકોર્ટનો આદેશ સુપ્રીમ કોર્ટમાં રદ્દ !
02:01 PM on 29th August, 2017

ગુજરાત સરકારને હાશ કરાવે તેવો એક નિર્ણય સુપ્રીમ કોર્ટે આજે આપ્યો છે.વર્ષ 2002માં ગુજરાતમાં ગોધરાકાંડ થયા પછી રાજ્યમાં જે તોફાનો થયા તેમાં ધાર્મિક સ્થળોને જે નુકસાન થયું તેનું સમારકામ કરાવવાના નાણાં આપવા રાજ્ય સરકારને ગુજરાત હાઇકોર્ટે આદેશ કરેલો.આ આદેશને ગુજરાત સરકારે સુપ્રીમમાં પડકારેલો.આજે સુપ્રીમે આ કેસનો ચુકાદો આપ્યો છે અને ગુજરાત હાઇકોર્ટના આદેશને રદ્દ કરી દીધો છે.

સુપ્રીમ કોર્ટના મુખ્ય ન્યાયાધીશ દીપક મિશ્રા અને ન્યાયાધીશ પી સી પંતની પીઠે ગુજરાત હાઇકોર્ટના આદેશને પડકારતી ગુજરાત સરકારની અરજીનો સ્વીકાર કર્યો હતો અને આદેશને રદ્દ કરી દીધો હતો.

 

ગુજરાત સરકારના સોલિસિટર જનરલ તુષાર મહેતાએ કહ્યું કે,અમારી અરજીનો સ્વીકાર કરી લેવાયો છે અને રાજ્ય સરકારે કોર્ટને કહ્યું છે કે,તોફાનો દરમિયાન જેને નુકસાન થયું છે તે જુદા જુદા ધાર્મિક સ્થાનો,દુકાનો અને ઘરના સમારકામ માટે તથા ફરી બાંધવા માટે સરકાર વળતર આપવા ઇચ્છે છે.સરકારની આ યોજનાનો સ્વીકાર કરી લેવામાં આવ્યો છે.

 
 

Read Also

 
Related News