India / Politics
રેયોન સ્કૂલના માલિકોની આગોતરા જામીનની સુનાવણી પહેલા જ હાઇકોર્ટના ચીફ જસ્ટિસને ફોન...'રૂમમાં બોંબ છે' !
01:08 PM on 13th September, 2017

ગુરૂગ્રામની રેયોન સ્કૂલમાં બાળકની હત્યાના પ્રકરણ મામલે સ્કૂલના માલિકો-સંચાલકોની આગોતરા જામીનની અરજીની આજે મુંબઇ હાઇકોર્ટમાં સુનાવણી પહેલાં જ હાઇકોર્ટના મુખ્ય ન્યાયાધીશને કોર્ટના તેમના રૂમમાં બોંબ હોવાનો ફોન કોલ મળ્યો હતો.

 

 

મુંબઇ હાઇકોર્ટના મુખ્ય ન્યાયાધીશ મંજુલા ચુલ્લરને આજે સવારે ફોન આવ્યો હતો તેમાં કહેવાયું હતું કે,કોર્ટના રૂમ નંબપ 51માં બોંબ છે.ઉલ્લેખનિય છે કે,રૂમ નંબર 51માં મુખ્ય ન્યાયાધીશ,તેમના મુખ્ય સેકેર્ટરી અને રજિસ્ટ્રાર બેસે છે.બોંબ હોવાની જાણ કરતો ફોન મળ્યા પછી તરત એટીએસને જાણ કરવામાં આવી હતી.બોંબ વિરોધી દળ હાઇકોર્ટ પહોંચ્યું હતું અને રૂમ નંબર 51માં તપાસ કરી હતી પણ બોંબ મળ્યો ન હતો.

રેયોન સ્કૂલના માલિક-સંચાલકોની આગોતરા જામીનની અરજીની સુનાવણી પહેલાં વાતાવરણને બગાડવા જાણી જોઇને આ ફોન કરવામાં આવ્યો હશે તેવું માનવામાં આવી રહ્યું છે.

 
 

Read Also

 
Related News