World / Politics
અમેરિકાના મુસદ્દાના પગલે નિકાસ પ્રતિબંધોથી લાલઘૂમ ઉત્તર કોરિયાની ધમકી 'અમેરિકાને રાખ કરી દઇશું'
02:07 PM on 14th September, 2017

 

ઉત્તર કોરિયા પરમાણુ પરીક્ષણ,હાઇડ્રોજન બોંબ પરીક્ષણ અને મિસાઇલ પરીક્ષણો કરી અમેરિકાની હાંસી ઉડાવે છે પણ અમેરિકા સીધું યુદ્ધ ટાળી રહ્યું છે.ઉત્તર કોરિયાને મર્યાદામાં રાખવા અમેરિકાએ તેના પર નવા પ્રતિબંધો લાદતો એક મુસદ્દો સંયુક્ત રાષ્ટ્ર પરિષદની સુરક્ષા બેઠકમાં મૂક્યો હતો.સંયુક્ત રાષ્ટ્રસંઘની સુરક્ષા પરિષદના 15 સદસ્ય દેશોએ અમેરિકાના મુસદ્દા અને ઉત્તર કોરિયા પરના નવા પ્રતિબંધોના સમર્થનમાં મતદાન કરી ઉત્તર કોરિયાની કપડા અને અન્ય નિકાસ પર પ્રતિબંધ મૂકી દીધો છે.આ મુસદ્દાથી ઉત્તર કોરિયા લાલઘૂમ બન્યું છે અને અમેરિકાને રાખમાં ફેરવી નાખવાની ધમકી આપી છે.

 

 

ઉત્તર કોરિયાની સમાચાર એજન્સીએ કહ્યું છે કે,પરમાણુ હથિયારનો ઉપયોગ કરી જાપાન અને અમેરિકાને રાખ બનાવી અંધકારમાં ડૂબાડી દેવાશે. પરમાણુ બોંબથી દ્વીપ સમૂહના ચાર દ્વીપને મહાસાગરમાં ડૂબાડી દેવા જોઇએ.જાપાનને હવે અમેરિકાની નજીક વધુ રહેવાની જરૂર નથી.

ઉલ્લેખનિય છે કે,Juche ઉત્તર કોરિયાની વિચારધારા છે જેને ઉત્તર કોરિયાના હાલના પ્રેસિડેન્ટ કિમ જોંગના દાદા અને ઉત્તર કોરિયાના સંસ્થાપક કિમ સુંગે પ્રચારીત કરી હતી.

 
 

Read Also

 
Related News