India / Entertainment
મને ખબર છે,મારા જવાથી અનુરાગ કશ્યપ કેટલા ખુશ છેઃપહલાજ નિહલાની
02:12 PM on 16th August, 2017

ભારતીય ફિલ્મ સેન્સર બોર્ડના અધ્યક્ષપદેથી દૂર કરવામાં આવેલા ફિલ્મ નિર્માતા પહલાજ નિહલાનીએ કહ્યું છે કે,તેઓ જાણે છે કે,તેમને પદ પરથી હટાવવામાં આવતા ડાયરેકટર અનુરાગ કશ્યપ કેટલા ખુશ હશે.નિહલાનીએ કહ્યું કે,''અનુરાગ કશ્યપે જ તેમના વિરૂદ્ધ ખુલ્લું અભિયાન ચલાવ્યું હતું.મારા માટેની તેની ઘૃણા જાહેર છે.''

ઉલ્લેખનિય છે કે, નિહલાનીની અધ્યક્ષતાવાળા સેન્સર બોર્ડે અનુરાગ કશ્યપની ફિલ્મ 'ઉડતા પંજાબ' ને પ્રમાણપત્ર આપવાની ના કહી હતી.આ પછી બન્ને વચ્ચે વિવાદ શરૂ થયો હતો.હિંદી ફિલ્મ જગત વિરૂદ્ધ થઇ જતાં નિહલાનીને સેન્સર બોર્ડના અધ્યક્ષપદેથી હટાવી દેવાયા હતા.પ્રસિદ્ધ ગીતકાર પ્રસુન્ન જોશીને નવા અધ્યક્ષ બનાવાયા છે.

 

પહલાજ નિહલાનીએ કહ્યું છે કે,''સેન્સર બોર્ડ મુંઝવણ ભરેલું સંગઠન છે.જેની માર્ગદર્શિકા એ જરા પણ નથી કહેતી કે,ફિલ્મને કટ ન આપી શકાય.''

નિહલાનીએ બંગાળી ફિલ્મ 'ધનંજય'માં ઇન્ટરકોર્સ શબ્દને મંજૂર રાખ્યો હતો પણ શાહરૂખખાનની ફિલ્મ 'જબ હેરી મેટ સેજલ'માં આ શબ્દને માન્ય રાખ્યો ન હતો.

 
 

Read Also

 
Related News