India / Business
પેટ્રોલ પંપ માલિકોનું વળતર વધારાયું, પેટ્રોલમાં 43 ટકા અને ડીઝલમાં 59 ટકા
01:10 PM on 04th August, 2017

જાહેર ક્ષેત્રની પેટ્રોલિયમ કંપનીઓએ પેટ્રોલ અને ડીઝલ વેચાણ કરતા પંપ માલિકોને સારું કહી શકાય તેટલું વળતર કરી આપ્યું છે.

પેટ્રોલમાં  43 ટકા અને ડીઝલમાં 59 ટકા વળતર વધારી આપવામાં આવ્યું છે.

ઇન્ડિયન ઓઇલ કોર્પોરેશનના ચેરમેન સંજીવસિંહે કહ્યું કે,પેટ્રોલ પંપ ડીલર્સને પ્રતિ લિટર એક ચોક્કસ રકમ આપવામાં આવી રહી છે,જે બધા ઓપરેટર્સ માટે સમાન હોય છે અને તેનો તેમના વેપાર સાથે કોઇ સંબંધ ન હતો.

 

તેમણે કહ્યું કે,રાષ્ટ્રીય સરેરાશ 170 કિલો લિટરથી ઓછું વેચાણ પેટ્રોલ પંપો કરી રહ્યા છે અને તે કારણે તેમને ઘણી તકલીફો પડે છે તે બાબતને ધ્યાનમાં રાખી એક ગ્રેડેડ ફોર્મ્યુલા નક્કી કરવામાં આવી છે.આ  ફોર્મ્યુલા એ બાબતને ધ્યાનમાં રાખી તૈયાર કરવામાં આવી છે કે, બધા પેટ્રોલ પંપો માટે કર્મચારીઓનો પગાર,વીજળીનું બિલ વિગેરેનો ખર્ચ એક સમાન હોય છે,ચાહે વેચાણ ગમે તેયલું થાય.

સંજીવસિંહે કહ્યું કે,પેટ્રોલ અને ડીઝલના ડીલર્સના માર્જનમાં સુધારો કરાયો છે.પેટ્રોલમાં તે 9થી43 ટકા અને ડીઝલમાં 11થી59 ટકા સુધી વધારવામાં આવ્યું છે.ઓછું વેચાણ કરતા ડીલર્સને ટકા અને પ્રતિ લિટર પૈસામાં મળતા વળતરમાં સૌથી વધુ વધારો મળશે.

 
 

Read Also

 
Related News