India / Politics
પરિવારવાદ વિશે બકવાસ ન કરો,મહેનત કરી લોકો પાસેથી ઇજ્જત અને પ્રેમ મેળવવો પડશેઃ રાહુલ ગાંધીને ઋષિકપૂરનો કડક જવાબ
01:27 PM on 13th September, 2017

અમેરિકાની બર્કલે યુનિવર્સિટીમાં વિદ્યાર્થીઓને સંબોધન કરતાં રાહુલ ગાંધીએ કહ્યું કે, ભારતમાં પરિવારવાદ જ ચાલે છે,તે માટે મને નિશાન ન બનાવો.રાહુલે તેની વાત સાબિત કરવા અભિષેક બચ્ચન,મુકેશ અંબાણી, અખિલેશ યાદવના ઉદાહરણ આપ્યા હતા.વરિષ્ઠ અભિનેકા ઋષિકપૂરને રાહુલની આ વાત નથી ગમી અને તેમણે ટ્વિટર પર રાહુલને પરિવારવાદ વિશે કડક શબ્દોમાં પ્રતિભાવ આપ્યો છે.

 

 

પરિવારવાદ વિશેના રાહુલના કથનના સંદર્ભ સાથે ઋષિકપૂરે ટ્વિટ કરી લખ્યું કે,''રાહુલ ગાંધી,ભારતીય સિનેમાના 106 વર્ષમાં કપૂર પરિવારનું 90 વર્ષનું યોદાન છે અને દરેક પેઢીને તેની મેરિટ પર લોકોએ પસંદ કર્યા છે.ઇશ્વર કૃપાથી અમારી ચાર પેઢી છે.પૃથ્વીરાજ કપૂર,રાજ કપૂર,રણધીર કપૂર અને રણબીર કપૂર.આ બધું છતાં તમે તેને અન્ય અર્થમાં લઇ રહ્યા છો.પરિવારવાદ વિશે બકવાસ ન કરો.તમારે મહેનતથી લોકોની ઇજ્જત અને પ્રેમ મેળવવા પડશે,બળપૂર્વક કે ગુંડાગીરીથી નહીં.''

ઉલ્લેખનિય છે કે,ઋષિકપૂરે ગત વર્ષે પણ નહેરુ-ગાંધી પરિવારને નિશાન બનાવી ટ્વિટ કર્યું હતું કે,રસ્તા અને વિમાની મથકના નામ ગાંધી પરિવારના લોકોના નામ પર જ કેમ ? ભગતસિંહ,આંબેડકર કે મારા નામ પર કેમ નહીં ? બાંદ્રા વર્લી સી લિંકનું નામ લતા મંગેશકર અથવા જેઆરડી તાતાના નામ પર રાખો,બાપનો માલ સમજો છો શું ?.


 
 

Read Also

 
Related News