India / Entertainment
હંમેશા ઇદ ન હોય,ક્યારેક રોજા પણ હોયઃ સલમાનની 'ટ્યુબલાઇટ' બોક્સ ઓફિસ પર લબૂકઝબૂક
01:22 PM on 27th June, 2017

સલમાનખાનની ફિલ્મ એટલે બોક્સ ઓફિસ પર ભવ્ય સફળતાની ગેરંટી...એવું હંમેશા નથી બનતું...તે સંદેશ લઇને આવી છે 'ટ્યુબલાઇટ'. હંમેશની જેમ ઇદના પવિત્ર પર્વે ગત શુક્રવારે 'ટ્યુબલાઇટ' સિનેમાઘરોમાં રજૂ કરવામાં આવી પણ શનિ-રવિમાં જોઇએ તેવું કલેકશન બોક્સ ઓફિસ પર ન મળ્યું અને છેલ્લી આશા ઇદના દિવસ પર હતી તે પણ સફળ ન રહી...સલમાનની 'ટ્યુબલાઇટ' ડીમ રહી અને હવે બંધ થતાં પહેલા લબૂકઝબૂક થઇ રહી છે.

 

ઇદના દિવસે એટલે કે,સોમવારે 'ટ્યુબલાઇટ'નું કલેકશન માત્ર 19 કરોડ,9 લાખ રૂપિયા જ રહ્યું.ફિલ્મ રજૂ થયા પછી રોજનું કલેકશન 25 કરોડ સુધી પણ ન પહોંચ્યું.

પહેલા દિવસનું કલેકશન 21 કરોડ,15 લાખ રૂપિયા હતું અને હવે ભારતનું ચોખ્ખું કલેક્શન 83 કરોડ,86 લાખ રૂપિયા થયું છે.વિદેશમાં 3.10 મિલિયન ડોલરની ચોખ્ખી કમાણી કરી છે.

 
 

Read Also

 
Related News