India / gujarath
અહમદ પટેલને હરાવવાનું આયોજન ગોઠવી... અમિત શાહે રાજયસભાનું ઉમેદવારી પત્ર ભર્યું સ્મૃતિ ઇરાની અને બળવંતસિંહે પણ ઉમેદવારી પત્ર ભર્યા...
04:25 PM on 28th July, 2017

હાશ...ચાલો...હવે વાંધો નહીં..રાજ્યસભાની ચૂંટણી કોંગ્રેસના ઉમેદવાર અહમદ પટેલ ન જીતે માટે બંદોબસ્ત થઇ ગયો...કોંગ્રસેના પાંચ ધારાસભ્ય આવી ગયા,બીજા પણ આવશે..ચાલો હવે.આપણે આપણા ઉમેદવારી પત્રો ભરીએ...બની શકે કે,અમિત શાહે આજે આવું કંઇક કે આ પ્રકારનો અર્થ ધરાવતું કંઇ બોલ્યા હશે.

 

 

ગુજરાતમાંથી ખાલી પડી રહેલી રાજ્યસભાની ત્રણ બેઠકો માટે આજે ભાજપ તરફથી રાષ્ટ્રીય અધ્યક્ષ અમિત શાહ,કેન્દ્રના મંત્રી સ્મૃતિ ઇરાની અને ભાજપમાં બે જ દિવસ પહેલાં આવેલા બળવંતસિંહ રાજપૂતે તેમના ઉમેદવારી પત્રો ભરીને દાખલ કર્યા.

મોટેભાગે બહુ ગંભીર રહેતા અમિત શાહ આજે ઉમેદવારી પત્ર ભરવા ગયા ત્યારે બહુ ખુશ જ નહીં ખિલખિલાટ હતા.તેમની જમણી બાજુ વિજય રૂપાણી હતા અને ડાબી બાજુ આનંદીબહેન પટેલ હતા. અમિત શાહ સતત હસી રહ્યા હતા.

 

ઉલ્લેખનિય છે કે,અહમદ પટેલ ક્યારેય સીધી ચૂંટણી નતી જીત્યા,તેમને વર્ષોથી રાજ્યસભાના સદસ્ય જ બનાવાતી રહી છે કોંગ્રેસ.આ વખતે મોદી-શાહની જોડી અહમદ પટેલને ચૂંટણી હરાવી રાજ્યસભામાંથી બહાર કરી દેવા માગે છે.જે રીતે કોંગ્રેસના ધારાસભ્યો તૂટી રહ્યા છે....તે જોતા અહમદ પટેલ માટે ચૂંટણી જીતવી મુશ્કેલ તો છે જ.જો અમહમદ પટેલ હારે તો તે બાબત કોંગ્રેસ,રાહુલ અને સોનિયા માટે મોટો પરાજય હશે..

મોદી અને શાહ કોંગ્રેસ મુક્ત ભારતના તેમના અભિયાનમાં ઉગ્રપણે આગળ વધી રહ્યા છે.

 
 

Read Also

 
Related News