India / gujarath
બનાસકાંઠામાં હવે ફળી રહેલું પૂર...! પૂરના પાણી જમીનમાં ઉતર્યા...તળ એટલા ઉંચા આવ્યા કે,200 ફુટના કુવા અને 400 ફુટના બૉરવેલ છલકાયા...!
11:55 AM on 22nd August, 2017

અતિભારે વરસાદના કારણે આવેલા પૂરે ગત મહિને બનાસકાંઠા જિલ્લાને બરબાદ કરી દીધાનું લાગતું હતું.થોડા માણસો,અનેક પશુઓના મોત થયા,ઘર તૂટ્યા,ખેતરો ધોવાયા...બનાસકાંઠામાં લીલો દુષ્કાળ પડ્યો.બનાસકાંઠાના લોકોએ ગત મહિને ઘણું સહન કર્યું...પણ આ તો કુદરત છે...એક હાથે લે તો બીજા હાથે આપે પણ ખરી જ.પૂરના પાણીએ બનાસકંઠાની તસુએ તસુ જમીન ડૂબાડી દીધી હતી.

 

આખા જિલ્લાની જમીન જળબંબોળ હતી...આ બધું પાણી ધીરે ધીરે જમીનમાં ગળતું ગયું...ઉતરતું ગયું અને કાલી થઇ ગએલા તળને પાણી પાણી કરી દીધા...બનાસકાંઠા જિલ્લાની જમીન નીચે પૂર આવ્યા અને તળ એટલા સજીવન થયા કે,કુવા અને બૉરવેલમાંથી ધૂબાકાભેર પાણી છલકાય રહ્યા છે...!

 

બનાસકાંઠા પાણીનો કાયમી અછત ધરાવતો જિલ્લો છે.ગત મહિને આવેલા પૂરે જિલ્લાના દાંતીવાડા,ધાનેરા અને પાંથાવાડા પંથકમાં ખેતરોના કુવા અને બૉરવેલમાંથી દોધની જેમ પાણી છલકાય રહ્યા છે.ખુશીના વાત તો એ છે કે,200 ફુટ ઉંડા કુવા અને 400 ફુટ ઉંડા બૉરવેલમાંથી મોટરતી પણ માંડ માંડ પાણી મળતું હતું તે કુવા અને બોરવેલમાંથી ધોધની જેમ પાણીના ફુવારા ઉડી રહ્યા છે અને ખેતરોમાં વહી રહ્યા છે.

 

પૂરના પાણી જમીનમાં ઉતરતા આખા જિલ્લાની જમીનના તળ ઉપર આવ્યા હશે અને નાના-મોટા ડેમ,જળાશયો,નદીઓમાં પણ પાણીના સ્તરમાં સુધારો થયો હશે તેવું માનવામાં આવી રહ્યું છે.હમણાં તો બનાસકાંઠાની જમીનના તળમાં પાણી સેલારા મારી રહ્યા છે અને કુવા તથા બૉરવેલ છલકાય રહ્યા છે...!

 
 

Read Also

 
Related News