India / gujarath
ભારતની પ્રથમ બુલેટ ટ્રેનનું ખાતમુહૂર્ત સંપન્નઃ મોદીએ કહ્યું 2022માં હું અને આબે ભારતની પ્રથમ બુલેટ ટ્રેનમાં સાથે યાત્રા કરશું
11:50 AM on 14th September, 2017

વડાપ્રધાન મોદીના મહાન સપનાઓમાંના એક બુલેટ ટ્રેનના સપના સાકાર થવાની શરૂઆત આજથી 14 સપ્ટેમ્બર,2017ના દિવસથી થઇ ગઇ છે.જાપાનના વડાપ્રધાન આબે અને વડાપ્રધાન મોદીએ આજે સવારે અમદાવાદમાં બુલેટ ટ્રેનના પ્રોજેક્ટનું ખાતમુહૂર્ત કર્યું.

 

 

અમદાવાદ-મુંબઇ વચ્ચેનો બુલેટ ટ્રેન પ્રોજેક્ટ 1 લાખ કરોડ રૂપિયાનો છે.ભારત સરકારનો ધ્યેય છે આ પ્રોજેક્ટને તેના નિર્ધારિત સમય કરતાં એક વર્ષ વહેલો એટલે કે,વર્ષ 2022માં પુરો કરી લેવાનો.

મોદીએ તેમના સંબોધનમાં કહ્યું કે,ભારત સ્વતંત્ર થયાના 70 વર્ષે આ ખાતમુહૂર્ત થયું છે અને ભારતની આઝાદીના 75 વર્ષ પુરા થશે ત્યારે આ ટ્રેન દોડવી શરૂ થશે જેમાં હું અને શિંજો આબે સાથે યાત્રા કરશું.

 

તેમણે કહ્યું કે,બુલેટ ટ્રેનના પ્રોજેક્ટ માટે જાપાને 0.1 ટકાના વ્યાજદરે જાપાને ભારતને 88000 કરોડ રૂપિયાની લોન આપી છે અને આ લોન 50 વર્ષમાં ચુકવવાની છે.તેમણે કહ્યું કે,બુલેટ ટ્રેનની ટેકનોલોજી જાપાનમાંથી મળી રહી છે પણ તેના સંસાધન ભારતમાં જ બનશે.દેશની કંપનીઓને નવો રોજગાર મળશે અને મેક ઇન ઇન્ડિયાને વેગ મળશે.

 

 

જાપાનના વડાપ્રધાન શિંજો આબેએ તેમના સંબોધનમાં કહ્યું કે,ભારત અને જાપાનની મિત્રતા દ્વિપક્ષીય નથી,વિશ્વ વ્યવસ્થાની મિત્રતા છે.હું અને મોદી જય જાપાન,જય ઇન્ડિયાનું સપનું સાકાર કરશું.હું ફરી જ્યારે ભારત આવીશ ત્યારે બુલેટ ટ્રેનમાં બેસીશ.તેમણે કહ્યું કે,જાપાનમાં બુલેટ ટ્રેનની કોઇ દુર્ઘટના નથી બનતી.એક દિવસ એવો આવશે કે,આખા ભારતમાં બુલેટ ટ્રેન દોડશે.


 
 

Read Also

 
Related News