World / Politics
ભારતને ગમે તેવું બ્રિટનની સરકારનું પગલું... દાઉદ ઇબ્રાહીમની અંદાજીત 42,000 કરોડની સંપત્તિ જપ્ત
12:19 PM on 13th September, 2017

અંડરવર્લ્ડ ડૉન દાઉદ ઇબ્રાહીમ વિરૂદ્ધ બ્રિટનની સરકારે અત્યંત કડક પગલું લીધું છે.બ્રિટનમાં દાઉદની સંપત્તિઓ છે તે ત્યાંની સરકારે જપ્ત કરી લીધી છે.જપ્ત કરવામાં આવેલી સંપત્તિની અંદાજીત કિંમત 42,000 કરોડની હોવાનું માનવામાં આવી રહ્યું છે. 

બ્રિટનના એક સમાચાર પત્રે અહેવાલ પ્રકાશિત કર્યો છે તેમાં દાવાપૂર્વક કહેવામાં આવ્યું છે કે,બ્રિટનમાં દાઉદના ઘણા મકાન અને હોટલ છે.જેની કિંમત હજારો કરોડની છે.ઉલ્લેખનિય છે કે,બ્રિટન પહેલાં સંયુક્ત અરબ અમીરાતે દાઉદની ત્યાં સ્થિત 15000 કરોડની સંપત્તિ જપ્ત કરી લીધી છે.

 

 

બ્રિટનના વોર્કશાયરમાં દાઉદની હોટલ છે અને મિડલેન્ડમાં ઘણી રહેણાક સંપત્તિ છે. યુનાઇટેડ કિંગ્ડમની ટ્રેઝરીએ ગત મહિને એક યાદી જાહેર કરી તેમાં પાકિસ્તાનમાં દાઉદના ત્રણ ઠેકાણાનો ઉલ્લેખ કરવામાં આવ્યો છે.

લંડનના સેન્ટ જોન વુડ રોડ,હોર્નચર્ચ રોડ,એસેકસ,રિચમોંડ રોડ,ટોમ્સવુડ રોડ,ચિગવેલ,રો હમ્પટન હાઇ સ્ટ્રીટ,લાંસલોટ રોડ,થાર્ટન રોડ,સ્પાઇટલ સ્ટ્રીટ,ડાર્ટફરમાં દાઉદની સ્થાવર સંપત્તિઓ છે.યુનાઇટેડ કિંગ્ડમના ટ્રેઝરી વિભાગના અહેવાલમાં કહેવાયું છે કે,દાઉદે બ્રિટનમાં 21 નકલી નામે સંપત્તિઓ ખરીદી છે.

દાઉદની સંપત્તિઓ જપ્ત કરવામાં આવી તે અંગે રિપોર્ટ પ્રકાશિત કરનાર અખબારે સૂત્રોના ઉલ્લેખ સાથે લખ્યું છે કે,દાઉદનું મોટાભાગનું રોકાણ ભારત,બ્રિટન અને દુબઇમાં જ છે.દાઉદને પકડવાની અમે વર્ષોથી કોશિસ કરી રહ્યા છીએ હવે દાઉદની સંપત્તિ જપ્ત કરી તેને બચાવનારાઓ પર અમે દબાણ લાવી રહ્યા છીએ.

 

ઉલ્લેખનિય છે કે,વડાપ્રધાન મોદીની બ્રિટન અને સંયુક્ત અરબ અમીરતની મુલાકાત દરમિયાન દાઉદની સંપત્તિઓ જપ્ત કરવાનું શરૂ કરાયું હતું. દાઉદને વૈશ્વિક આતંકવાદી ઘોષિત કરાયા પછી દુનિયાભરમાં ફેલાએલી તેની સંપત્તિઓ અને વેપાર-ધંધાને જપ્ત કરવાની કાર્યવાહી ચાલી રહી છે.

દાઉદની સંપત્તિઓ અંગે ભારતે ઘણા દેશાને મહત્વની અને નક્કર જાણકારીઓ આપી છે.આ જાણકારીના આધારે જે તે દેશની સરકાર દાઉદની સંપત્તિઓ જપ્ત કરી રહી છે.

 
 

Read Also

કહાનીમેં બડા ટ્વિસ્ટ....! ગુરમીતના ડેરાને બરબાદ કરી દેવાનું દાદાને આપેલું વચન પુરું કરી રહી છે હનીપ્રીત ? ગુરમીત સાથેનો સંબંધ હનીપ્રીતની ગહરી ચાલ હતી ? ગુરમીતે તેની ઇજ્જત લૂંટી તેનો બદલો લેવા હનીપ્રીતે આટલા વર્ષ પ્રેમનું નાટક કર્યું ?કુમારી જે. જયલલિતાના મોત અંગે AIADMKના નેતાને પણ શંકા, બીમારી અંગે દબાણ કરી ખોટું બોલાવાયુંનો સ્વીકારઉત્તર કોરિયા પછી હવે ઇરાન...અમેરિકાની જગત જમાદારી સામે વધી રહેલા પડકાર, ઇરાને કર્યું મિસાઇલ પરીક્ષણગુરમીતની LOVER છે હનીપ્રીત,કોઇનામાં તાકાત નથી તેની હત્યા કરવાનીઃ વિશ્વાસ ગુપ્તાકાશ્મીર મામલાનું આંતરરાષ્ટ્રીયકરણ કરવા ઇચ્છતા પાકિસ્તાનને ચીને પણ લાત મારી

 
Related News