India / gujarath
આજ મૌસમ બડા બેઇમાન હૈ...! ભારેથી અતિ ભારે ઝટકાની આગાહી,પક્ષ પલ્ટાનો કેર, રાજીનામાની હેલી...વિરોધ-વિદ્રોહના પૂરમાં ડૂબતી ગુજરાત કોંગ્રેસ...!
03:24 PM on 28th July, 2017

ગુજરાત કોંગ્રેસની હાલત છેલ્લા બે દિવસથી છે તેવી દયનીય તો ત્યારે પણ ન હતી જ્યારે મોદી મુખ્યમંત્રી હતા અને દરેક ચૂંટણી જીતતા હતા અને કોંગ્રેસ હારતી હતી.શંકરસિંહ વાઘેલાએ કોંગ્રેસને છોડી દીધા પછી કોંગ્રેસની જે વલ્લે થઇ રહી છે તે જોઇને એક નાગરિક તરીકે પણ શરમ અને દયા બન્ને આવે છે...આ હાલત ? કોંગ્રેસની ? કોંગ્રેસના વધુ બે ધારાસભ્યોએ રાજીનામા આપ્યા છે અને ભાજપમાં જોડાયા છે.આ સાથે કુલ પાંચ કોંગ્રેસી ધારાસભ્ય ભાજપમાં ગયા છે...શંકરસિંહ હજુ નથી ગયા...

 

 

ગુજરાત વિધાનસભાની આગામી ચૂંટણી માટે કોંગ્રેસે સૂત્ર આપ્યું છે...કોંગ્રેસ આવી રહી છે...પણ હાલની સ્થિતિ જોતાં તો લાગે છે કે,કોંગ્રેસ આવી રહી છે...પણ ભાજપમાં.શંકરસિંહે વિદ્રોહ કર્યા પછી થોડીઘણી શંકા તો હતી જ આગામી વિધાનસભા ચૂંટણીમાં 150 બેઠકનું લક્ષ્ય પાર પાડવા મોદી-શાહની જોડી કંઇક તો કરશે જ અને કર્યું...કોંગ્રેસના ધારાસભ્યોને ખેંચી લીધા.

ધારાસભ્યો બળવંતસિંહ રાજપૂત,પ્રહલાદ પટેલ અને તેજશ્રી પટેલે ગઇકાલે કોંગ્રેસને રામ રામ કર્યા પછી આજે છના ચૌધરી અને માનસિંહ ચૌહાણે પણ કોંગ્રેસ છોડી દીધી છે અને ભાજપમાં જોડાય ગયા છે.શંકરસિંહ વાઘેલાના દીકરા મહેન્દ્રસિંહ વાઘેલા અને જામનગર ગ્રામ્યના રાઝવજી પટેલ પણ કોંગ્રેસ છોડવાના છે.રાઘવજી પટેલે કહ્યું છે કે,તેઓ કોંગ્રેસથી નારાજ છે અને આગામી વિધાનસભા ચૂંટણી તેઓ કોંગ્રેસમાંથી નહીં લડે.તેઓ ભાજપમાં જશે કે કેમ તે વાત હાલમાં અપ્રસ્તુત છે.તેમણે કહ્યું કે,કોંગ્રેસમાંથી એટલા ધારાસભ્યો તો ભાજપમાં જશે જ જેથી ભાજપના રાજ્યસભાના ઉમેદવાર બળવંતસિંહ રાજપૂત જીતી શકે.

 

કોંગ્રેસની કમનસીબી આટલેથી પુરી નથી થતી.કોંગ્રેસના અન્ય ચાર ધારાસભ્યો...અશ્વિન કોટવાલ,મહેન્દ્રસિંહ બારૈયા,રાજેન્દ્રસિંહ ઠાકોર,ડોકટર અનિલ જોશિયારા તેમના ઘરે નથી,તેમના ફોન પર પણ બંધ છે...

પાંચ ધારાસભ્ય કોંગ્રેસ છોડી ગયા...શંકરસિંહ સહિત છ અને ચાર ધારાસભ્ય ગુમ છે...રાઘવજી પટેલનું નક્કી છે અને બીજા હજુ ચાર-પાંચનો વીમો છે અને તે કોણ હશે ? કોંગ્રેસ સાવ ભાંગીને ભૂક્કો થવા જઇ રહી છે ત્યારે કોંગ્રેસના વરિષ્ઠ નેતાઓ ગુજરાતના પ્રભારી અશોક ગહેલોત,કોંગ્રેસના રાષ્ટ્રીય પ્રવક્તા પ્રદીય સૂરજેવાલા,અહમદ પટેલ,શક્તિસિંહ ગોહિલ,ધારાસભ્ય આનંદ ચૌધરી,ગ્યાસુદ્દીન શેખ અને શૈલેષ પરમાર સાથે મળી અમદાવાદની હોટલ તાજમાં વિચાર-વિમર્શ,મંથન,ચર્ચા કરી રહ્યા છે.


 
 

Read Also

કહાનીમેં બડા ટ્વિસ્ટ....! ગુરમીતના ડેરાને બરબાદ કરી દેવાનું દાદાને આપેલું વચન પુરું કરી રહી છે હનીપ્રીત ? ગુરમીત સાથેનો સંબંધ હનીપ્રીતની ગહરી ચાલ હતી ? ગુરમીતે તેની ઇજ્જત લૂંટી તેનો બદલો લેવા હનીપ્રીતે આટલા વર્ષ પ્રેમનું નાટક કર્યું ?કુમારી જે. જયલલિતાના મોત અંગે AIADMKના નેતાને પણ શંકા, બીમારી અંગે દબાણ કરી ખોટું બોલાવાયુંનો સ્વીકારઉત્તર કોરિયા પછી હવે ઇરાન...અમેરિકાની જગત જમાદારી સામે વધી રહેલા પડકાર, ઇરાને કર્યું મિસાઇલ પરીક્ષણગુરમીતની LOVER છે હનીપ્રીત,કોઇનામાં તાકાત નથી તેની હત્યા કરવાનીઃ વિશ્વાસ ગુપ્તાકાશ્મીર મામલાનું આંતરરાષ્ટ્રીયકરણ કરવા ઇચ્છતા પાકિસ્તાનને ચીને પણ લાત મારી

 
Related News