India / gujarath
મેઘે મહેર આપી,મોત આપ્યા,મુશ્કેલીઓ આપી...બનાસકાંઠામાં વરસાદનો વિરામ...રાહતનો શ્વાસ લેતું જીવન
11:38 AM on 26th July, 2017

ગુજરાતમાં વરસાદ હવે વિલન સાબિત થઇ રહ્યો છે,ખાસ કરીને ઉત્તર ગુજરાતના બનાસકાંઠામાં.આ વર્ષે લોકોએ સારો વરસાદ માગેલો અને વરસાદ સારો થયો અને થઇ પણ રહ્યો છે પણ વધારે પડતા વરસાદને કારણે મોત સહિતની મુશ્કેલીઓ પણ  સહન કરવાની આવી છે.આ ચોમાસામાં વરસાદને કારણે રાજ્યભરમાં 83 લોકોના મોત થયા છે.ઉત્તર ગુજરાતમાં વરસેલા અતિ ભારે વરસાદને કારણે હજારો લોકોનું સ્થળાંતર કરવામાં આવ્યું છે.

 

રાજયમાં વાહન વ્યવહારને પણ વ્યાપક અસર થઇ છે કારણે કે,ભારે વરસાદને કારણે માર્ગો પર પાણી ફરી વળતા અનેક માર્ગો તૂટી ગયા છે અને અનેક માર્ગો બંધ કરવા પડ્યા છે.રાજ્યભરમાં કુલ 501 માર્ગો બંધ છે.6 નેશનલ હાઇ-વે,26 સ્ટેટ હાઇ-વે,રાજ્યમાં પ્રવેશતા 122 માર્ગો બંધ છે.રાજ્યના 492 ગામોનો વીજ પુરવઠો બંધ છે.

બનસાકાંઠામાં વરસાદે વિરામ લીધો છે અને બનાસ નદીમાં પાણીની આવક ઘટી છે.ગામડાઓમાં ભરાએલા વરસાદના પાણી હવે ઉતરવા લાગ્યા છે હજુ પણ સંખ્યાબંધ ગામડાઓમાં વિજળી નથી.કેટલાય લોકો પાણીમાં ફસાયા હોવાની આશંકા છે.

 

બનાસકાંઠામાં આજે સવારે વરસાદ બંધ થયો છે પણ છેલ્લા 24 કલાકમાં જીલ્લામાં 4 થી 6 ઈંચ સુધીનો વરસાદ નોંધાયો છે.

પાટણમાં સર્જાયેલી તારાજી પછી બચાવકામગીરીને ઝડપી બનાવવા સેનાની મદદ લેવામાં આવી છે.પાટણના સાંતલપુરમાં બચાવ કામગીરી આર્મીને સોંપવામાં આવી છે.

 
 

Read Also

 
Related News