India / Entertainment
કૃષ્ણા અભિષેકની 'ધ ડ્રામા કંપની'ની નિષ્ફળતાનો લાભ મળ્યો, કપિલ શર્માને જીવતદાન,સોની ટીવીએ એક વર્ષ માટે રિ-ન્યૂ કર્યો કોન્ટ્રાક્ટ
01:57 PM on 08th August, 2017

કપિલ શર્માના શૉના રેટિંગની સતત પડતીને સોનીના જ અન્ય કૉમેડી શૉ 'ધ ડ્રામા  કંપની' ની નિષ્ફળતાએ  બચાવી લીધી છે.સોની ટીવીએ કપિલના શૉને એક વર્ષ માટે લંબાવ્યો છે.સોની ટીવીએ કપિલ સાથેના કોન્ટ્રાક્ટને એક વર્ષ માટે લંબાવ્યો છે.

ડોકટર મશહુર ગુલાટી,દાદી અને ચંદન ચાયવાળાએ કપિલનો શૉ છોડ્યા પછી શૉનું રેટિંગ સતત નીચે જઇ રહ્યું હતું અને સોની ટીવી કપિલનો શૉ બંધસ કરશે તેવું લાગી રહ્યું હતું.કપિલનો શૉ જો બંધ કરવામાં આવે તો તેનું સ્થાન લેવા સોની ટીવીએ 'ધ ડ્રામા  કંપની' શૉ શરૂ કર્યો હતો પણ આ શૉ ઉંધે માથે પછડાયો છે અને કપિલના શૉ કરતાં પણ ખરાબ શૉ સાબિત થયો છે.કદાચ આ જ કારણ છે કે,કપિલના શૉને સોની ટીવીએ એક વર્ષ માટે લંબાવી આપ્યો છે અને આ માટે કોન્ટ્રાક્ટ કર્યો છે.

 

કપિલના શૉનો કોન્ટ્રાક્ટ ગત માર્ચ-એપ્રિલમાં રિન્યુ કરવાનો હતો પણ શૉના સતત નીચે જઇ રહેલા રેટિંગને જોઇ કોન્ટ્રાક્ટ રિન્યુ કરવામાં આવ્યો ન હતો પણ કપિલને તેના હરીફ કૃષ્ણા અભિષેકની નિષ્ફળતા ફળી છે અને શૉ એક વર્ષ માટે લંબાવાયો છે.

કપિલે શૉને સાચવી લેવા નવા લેખકને પણ રોક્યો છે.આ નવો લેખક છે રાજ શાંડિલ્ય.વેલકમ બેક અને ફીક્રી અલી જેવી ફિલ્મો રાજ શાંડિલ્યે લખી છે.

આ ઉપરાંત કપિલ શૉનો લૂક અને ફોર્મેટ પણ બદલવાનો છે.

 
 

Read Also

 
Related News