India / Entertainment
સાતમા આકાશથી સાતમા પાતાળે....કપિલના શૉનો ધ એન્ડ...સોની ચેનલનો નિર્ણય !
02:34 PM on 01st September, 2017

કપિલ શર્મા...સાતમા આકાશેથી પાતાળમાં પછડાયો છે.સોની ટેલિવિઝન ચેનલ પર દર શનિવાર અને રવિવારે રાતે 9 કલાકે રજૂ થતાં ધ કપિલ શર્મા શૉ ને હાલ પુરતો બંધ કરી દેવાનો ચેનલે નિર્ણય કર્યો છે.

ઉલ્લેખનિય છે કે,સુનિલ ગ્રોવર (ડૉકટર મશહુર ગુલાટી),દાદી (અલી અસગર),ચંદુ ચાયવાલા(ચંદન પ્રભાકર) શૉ છોડી ગયા પછી કપિલના શૉએ લોકપ્રિયતા ગુમાવી હતી.સોની ચેનલે કપિલ સાથેનો કોન્ટ્રાકટ રિ-ન્યુ કરવાનું પણ લાંબો સમય ટાળ્યું હતું.ચંદન પ્રભાકરને શૉમાં પરત લાવવામાં કપિલ સફળ થયો હતો પણ તેના કથિત બેજવાબદાર વર્તનને કારણે શાહરૂખખાન,અનિલ કપૂર,અમિતાભ બચ્ચન અને અજય દેવગણે કપિલના શૉના સેટ પરથી શૂટિંગ કર્યા વિના પરત જવું પડ્યું હતું.

 

કપિલના આ પ્રકારના વર્તનથી ચેનલ નારાજ હતી અને કપિલને તાજેતરમાં મૌખિક નોટિસ મોકલી સ્પષ્ટતા પણ માગી હતી.ઉલ્લેખનિય છે કે,કપિલને ચેનલે તાજેતરમાં જ બીજી તક આપતા એક વર્ષ માટે કોન્ટ્રાક્ટ પણ કર્યો હતો પરંતુ કપિલના વર્તનમાં સુધારો થતો ન હતો.કપિલના શૉની લોકપ્રિયતા એ હદેસ ઘટી છે કે,સૌથી લોકપ્રિય 20 શૉમાં પણ હાલમાં નથી.એક સમયે કપિલનો શૉ લોકપ્રિયતામાં ટોપ પર હતો.

સોની ચેનલે હમણાં થોડો સમય કપિલનો શૉ બંધ કરવાનો નિર્ણય કર્યો છે.થોડો સમય શૉ બંધ રાખવાનો નિર્ણય કાયમી બંધમાં પણ પરિવર્તિત થઇ શકે છે.


 
 

Read Also

 
Related News