જેલમાં જવું એટલે શું,જેલ એટલે શું,જેલમાં જીવાતું જીવન એટલે શું અને કેવું હોય છે આ જીવન ? જેલમાં તો અનેક લોકો ગયા છે,જાય છે અને જશે પણ એક સામાન્ય માણસ જે સંવેદનશીલ છે,કલાકાર છે,જીવનની સ્થિતિઓને સમજે છે અને પેન્સિલ કે પીંછીની માધ્યમથી તેની પ્રતિક્રિયા આપે છે,તેવા માણસને અચાનક જેલમાં જવું પડે અને ક્ષણમાં જ નવું જીવન શરૂ થાય તે માણસને કેવો અનુભવ કરાવે,તે અનુભવ કેવો હોય તે લખાયું છે અંગ્રેજી પુસ્તક LIFE BEHIND THE BARSમાં,જેના લેખક છે વિરેન્દ્ર વૈષ્ણવ...

સુરતના રહેવાસી વિરેન્દ્ર વૈષ્ણવ 2010માં સુરતમાં થયેલી એક હત્યા કેસના આરોપી છે અને છેલ્લા 6 વર્ષથી સુરતની લોજપોર જેલમાં કાચા કામના કેદી તરીકે બંધ છે.વિરેન્દ્ર વૈષ્ણવ સ્વભાવથી-પ્રકૃતિથી કલાકાર છે,ચિત્રકાર છે.ચિત્રની ઘણી સ્પર્ધાઓ તેમણે જીતી છે,અનેક પ્રમાણપત્રો મેળવેલા છે.

કલાકાર પ્રકૃતિના વિરેન્દ્રભાઇને જેલમાં જવાનું થયું અને તેમને ભાન થયું કે,તેમનું જીવન અચાનક અને ધરમૂળથી બદલાય ગયું છે.બહારની જીંદગી અને જેલની અંદરની જીંદગી તદ્દન અલગ છે.તેમને લાગ્યું કે,જેલની ચાર દિવાલમાં તે દરેક ક્ષણે 24 કલાક મરી રહ્યા છે.6 વ્રષથી જેલમાં બંધ વિરેન્દ્રભાઇ હાલમાં જામીન પર બહાર છે.જેલના અનુભવોને તેમણે જેલમાં જ લખવાના શરૂ કર્યા અને બની ગયું એક પુસ્તક.

આ પુસ્તક પ્રકાશિત કરવા તેમણે લંડનની પુસ્તક પ્રકાશક કંપની ઓલિમ્પિયા પબ્લિશિંગ હાઉસનો સંપર્ક કર્યો.પુસ્તકની કાચી પ્રત મોકલી આપી.ઓલિમ્પિયા પબ્લિશિંગ હાઉસને વિરેન્દ્રભાઇના અનુભવોનું લાખણ પસંદ આવ્યું અને આ લખાણ પુસ્તકરૂપે પ્રકાશિત કરવાની મંજૂપી માગી,જે વિરેન્દ્રભાઇએ આપી અને વિરેન્દ્રભાઇના જેલના અનુભવ હવે 108 પાનાનું LIFE BEHIND THE BARSનમનું પુસ્તક બની જાન્યુઆરી 2017માં પ્રકાશિત થવા જઇ રહ્યું છે.વિરેન્દ્રભાઇએ 2011માં તેમના જેલના અનુભવ લખવા શરૂ કર્યા હતા અને 2015માં આ લખાણ પુરું થયું હતું.