India / gujarath
સેવા સાથે કમાણીનો ફંડા...એક આઇડિયા જો બદલ દે સબકી દુનિયા...મફત ઝેરોક્સ કાફે... મુકામ પોસ્ટ હિંમતનગર !
12:35 PM on 19th July, 2017

સેવા મફતમાં નથી થતી...અને સેવા મફતમાં પણ થાય છે....તે માટે જરૂર હોય છે સેવા કરવાની ભાવના અને તે માટે મહેનતની.ઉત્તર ગુજરાતના હિંમતનગરની બજારમાં એક નાની અમથી દુકાન છે પણ સેવાનું મોટું મથક છે....નામ છે મફત ઝેરોક્સ કાફે.

હિંમતનગરમાં રહેતો એક છોકરો,નામ તેનું હેત દેસાઇ. 12મા ધોરણમાં ભણે.12મું ધોરણ એટલે બોર્ડ અને જીવનની દિશા નક્કી કરતું ધોરણ.પુષ્કળ ભણવાનું અને વાંચવાનું. પુસ્તકો,ગાઇડો,પ્રોજેક્ટસ,એસાઇનમેન્ટના કાગળિયાની ડઝનબંધ ઝેરોક્સ કરાવવાની અને તે માટે પૈસા ખર્ચવાના.હેત દેસાઇએ તો પૈસા ખર્ચી ઝેરોક્સ કઢાવી,ધોરણ 12 પાસ કરી લીધું પણ ઝેરોક્સનો આ મોટો ખર્ચો તેને એક પ્રશ્ન વિચાર આપતો ગયો કે,વિદ્યાર્થીઓને અને બીજા લોકોને પણ ઝેરોક્સ મફતમાં કાઢી આપવાનું ન બની શકે ? 

 

 

વિદ્યાર્થીઓને અને બીજા બધાને કેવી રીતે મફત ઝેરોક્સ કાઢી આપવી ? જે મનમાં સવાલ ઉભો થયો હતો તે જ મનમાં જવાબ મળ્યો કે,લોકોને મફત ઝેરોક્સ આપવાનો ખર્ચ બીજા ઉઠાવે તો આ આ મફત સેવા શક્ય બને.

હેત દેસાઇએ દુકાનદારોને મળવાનું અને જાહેરાત આપવા માટે સમજાવવાનું શરૂ કર્યું.ફંડા એ હતો કે,ઝેરોક્સ પ્રિન્ટની એક બાદુ જાહેરાત છાપવાની આ જાહેરાતના રૂપિયા જે તે જાહેરાત દાતા પાસેથી લેવાના અને લોકોને અને કાસ કરીને વિદ્યાર્થીઓને મફતમાં ઝેરોક્સ કાઢી આપવાની.વધુમાં વધુ 15 ઝેરોક્સ મફત કાઢી આપવાની.

હેત દેસાઇનું કહેવું છે કે,તેનો અનુભવ કહે છે કે,એક વિદ્યાર્થીને રોજ વધુમાં વધુ 15 ઝેરોક્સની જરૂર પડતી હોય છે.તેના મફત ઝેરોક્સ કાફેમાં સામાન્ય નાગરિકને પણ વધુમાં વધુ 15 ઝેરોક્સ મફત કાઢી આપવામાં આવે છે.

 

 

હાલમાં તેના મફત ઝેરોક્સ કાફેમાં રોજની સરેરાશ 1400થી1700 ઝેરોક્સ નિકળે છે.20 મે,2017ના દિવસે હેત દેસાઇએ મફત ઝેરોક્સ કાફે શરૂ કર્યું ત્યારે તેની પાસે માત્ર 7 સ્પોન્સર હતા જે હવે વધીને 16 થયા છે.ધંધા-વ્યવસ્યાવાળાની જાહેરાત થાય,લોકોને મફતમાં ઝેરોક્સ મળે અને હેત દેસાઇને કમાણી પણ થાય. આ છે સેવા સાથે કમાણીનો ફંડા...આમ કે આમ ગુટલીઓકે દામ...!

 આ આઇડિયા કે ફંડાને સેવાના અન્ય ક્ષેત્રે પણ લાગુ કરી શકાય કે કેમ તે વિશે વિચારવા જેવું છે.


 
 

Read Also

કહાનીમેં બડા ટ્વિસ્ટ....! ગુરમીતના ડેરાને બરબાદ કરી દેવાનું દાદાને આપેલું વચન પુરું કરી રહી છે હનીપ્રીત ? ગુરમીત સાથેનો સંબંધ હનીપ્રીતની ગહરી ચાલ હતી ? ગુરમીતે તેની ઇજ્જત લૂંટી તેનો બદલો લેવા હનીપ્રીતે આટલા વર્ષ પ્રેમનું નાટક કર્યું ?કુમારી જે. જયલલિતાના મોત અંગે AIADMKના નેતાને પણ શંકા, બીમારી અંગે દબાણ કરી ખોટું બોલાવાયુંનો સ્વીકારઉત્તર કોરિયા પછી હવે ઇરાન...અમેરિકાની જગત જમાદારી સામે વધી રહેલા પડકાર, ઇરાને કર્યું મિસાઇલ પરીક્ષણગુરમીતની LOVER છે હનીપ્રીત,કોઇનામાં તાકાત નથી તેની હત્યા કરવાનીઃ વિશ્વાસ ગુપ્તાકાશ્મીર મામલાનું આંતરરાષ્ટ્રીયકરણ કરવા ઇચ્છતા પાકિસ્તાનને ચીને પણ લાત મારી

 
Related News