India / gujarath
મોદી અને શિંજો આબેના આગમન પહેલાં વાતાવરણ પલટાયું...વા,વાદળ અને વંટોળ ફુંકાયા...ધૂળ-કચરો આકાશ તરફ ઉડ્યા !
03:30 PM on 13th September, 2017

વડાપ્રધાન મોદી અને જાપાનના વડાપ્રધાન શિંજો આબે અમદાવાદ વિમાની મથક પર ઉતરે તે પહેલાં વાતાવરણે પરિવર્તનના સંકેત આપ્યા અને સંકેત આપતાં સાથે જ આકાશનો મિજાજ બદલાયો.આકાશ આક્રમક બન્યું.વાદળો ઘેરાયા,સૂરજ અચાનક ગુમ થઇ ગયો,વંટોળ શરૂ થયો અને રસ્તાની ધૂળ અને કચરો આકાશે ઉડ્યા.વંટોળે લોકોની આંખોમાં ધૂળ નાંખી અને ઘેરાએલા વાદળોએ ભર દિવસે અંધકારનો અનુભવ કરાવ્યો,વરસાદ વરસવાના અણસાર મળ્યા...!

 

 

બદલાએલા વાતાવરણે સવાલ ઉભો કર્યો કે,મોદી અને આબેના 8 કિલોમીટર લાંબા રોડ શોનું શું થશે.વિમાની મથકથી સાબરમતી આશ્રમ સુધી રોડને નવો બનાવી,શરણગારાયો છે.શાળાના 1500 બાળકો હાથમાં કળશ અને શ્રીફળ લઇને ઉભા છે.સરકારી અધિકારીઓ અને પોલીસ ખડેપગે છે.

 

 

જો વરસાદ તૂટી પડશે તો પણ મોદી રોડ શો કરશે કે રદ્દ કરી દેશે ? મોદી તો વરસાદમાં ઘણું પલળ્યા હશે અને રોડ શો સફળ બનાવવા પલળી પણ લેશે...પણ શિજો આબેનું શું તેઓ પણ પલળશે ? ચાલુ વરસાદમાં મોદી અને આબે રોડ શો કરે તો છાકો પડી જાય તે પણ પાકું અને છાકો પાડવાનો કોઇ મોકો જતો કરે તે મોદી નહીં.

 
 

Read Also

 
Related News