India / gujarath
ઉત્તર ગુજરાતમાં મેઘે માજા મૂકી...ન આભ ન ધરતી...ચારે બાજુ પાણી જ પાણી...જનજીવન પલળીને લોચો...બાકી હતું તે નર્મદા કેનાલમાં ગાબડું પડ્યું ! આબુમાં 36 કલાકમાં 62 ઇંચ !
11:59 AM on 25th July, 2017

ગુજરાતમાં ખરેખર તો મેઘની મહેર જ છે પણ માનવીય અવ્યવસ્થાને કારણે આ મહેર કહેર બની છે.ઉતત્ર ગુજરાતમાં છેલ્લા બે દિવસથી વરસાદ ગાંડો બનીને ત્રાટક્યો છે.મેઘે માજા મૂકી છે.સમગ્ર ઉત્તર ગુજરાતમાં ઇંચ નહીં ફુટના માપે વરસાદ વરસ્યો છે.

વિતેલા છેલ્લા 24 કલાક એટલે કે,સોમવાર સવારે 8 કલાકથી આજે મંગળવાર સવારે 8 કલાકે પુરા થએલા 24 કલાક દરમિયાન ઉત્તર ગુજરાતના 21 તાલુકાઓમાં 5થી10 ઇંચ,113 તાલુકાઓમાં 11થી20 ઇંચ,98 તાલુકામાં 21થી40 ઇંચ અને 18 તાલુકામાં 40 ઇંચથી વધુ વરસાદ વરસ્યો છે.

 

 

 

તાલુકાઓના નામ પ્રમાણે વાત કરીએ તો  દાંતીવાડામાં 18.5 ઇંચ,પાલનપુરમાં 15.5 ઇંચ,વડગામમાં 15 ઇંચ,અમીરગઢમાં 14.5 ઇંચ,લાખણીમાં 12 ઇંચ, ડીસામાં 11 ઇંચ વરસાદ નોંધાયો છે.ઉલ્લેખનિય છે કે,ઉતત્ર ગુજરાતમાં ચોમાસાનો 94 ટકા વરસાદ વરસી ગયો છે.

જે સ્થિતિ બનાસકાંઠાની છે તેવી જ સ્થિતિ સાબરકાંઠાની પણ છે.સાબરકાંઠાના ઇડરમાં 11.5 ઇંચ,હિંમતનગરમાં 9 ઇંચ,પાટણમાં 12 ઇંચ  વરસાદ વરસ્યો છે.

 

 

બનાસકાંઠાના ખારિયા ગામ નજીક નર્મદા કેનાલમાં ગાબડું પડતા અનેક ગામોમાં પાણી ફરી વળ્યું છે.કેનાલનું પાણી ખારીયા, ટોટાણા, ચીડોતણ, રણકપુર, સુદરોસણ, સોનપુર,આનંગપુરા ગામોમાં પાણી ફરી વળતા લોકો મુશ્કેલીમાં મુકાયા છે.એક તરફ બનાસકાંઠામાં વરસાદ હજુ યથાવત છે.બીજી તરફ કેનાલમાં ગાબડું પડતા સ્થાનિકોની મુશ્કેલી વધી છે.ભારે વરસાદના કારણે બનાસ નદી ગાંડીતૂર બની છે.જિલ્લાના ત્રણેય ડેમ દાંતીવાડા, સિપૂ અને મુક્તેશ્વર ઓવરફ્લો થયો છે.દાંતીવાડામાંથી 1 લાખ 30 હજાર કયુસેક,સિપૂમાંથી 1 લાખ 20 હજાર ક્યુસેક પાણી બનાસ નદીમાં છોડવામાં આવી રહ્યુ છે.જિલ્લાના અનેક ગામો સંપર્ક વિહોણા બન્યા છે.ધાનેરા, લાખણી, થરાદ અને ડીસાના અનેક ગામો સંપર્ક વિહોણા છે.

પાટણના સાંતલપુરના રાજુસરા નજીક પાણીમાં ફસાએલા 28 લોકોને  NDRF અને સેનાએબચાવ્યા હતા.

 

 

માઉન્ટ આબુમાં છેલ્લા 36 કલાકમાં 62 ઈંચ વરસાદ ખાબક્યો છે.જેના પગલે આબુના તમામ જળાશયો ઓવરફ્લો થયા છે.જાણકારોનું માનવું છે કે, આબુમાં છેલ્લા 60 વર્ષના ઈતિહાસમાં આ વર્ષે સૌથી ભારે વરસાદ પડ્યો છે.ભારે વરસાદને કારણે માઉન્ટ આબુમાં 2 લોકોના મોત થયાના અહેવાલ મળી રહ્યા છે.માઉન્ટ આબુમાં ધોધમાર વરસાદની વચ્ચે 8 કુંટુંબ ફસાયા હતા તેમને પોલીસ અને સ્થાનિક લોકોની મદદથી સલામત બહાર કાઢવામાં આવ્યા હતા.

 
 

Read Also

કહાનીમેં બડા ટ્વિસ્ટ....! ગુરમીતના ડેરાને બરબાદ કરી દેવાનું દાદાને આપેલું વચન પુરું કરી રહી છે હનીપ્રીત ? ગુરમીત સાથેનો સંબંધ હનીપ્રીતની ગહરી ચાલ હતી ? ગુરમીતે તેની ઇજ્જત લૂંટી તેનો બદલો લેવા હનીપ્રીતે આટલા વર્ષ પ્રેમનું નાટક કર્યું ?કુમારી જે. જયલલિતાના મોત અંગે AIADMKના નેતાને પણ શંકા, બીમારી અંગે દબાણ કરી ખોટું બોલાવાયુંનો સ્વીકારઉત્તર કોરિયા પછી હવે ઇરાન...અમેરિકાની જગત જમાદારી સામે વધી રહેલા પડકાર, ઇરાને કર્યું મિસાઇલ પરીક્ષણગુરમીતની LOVER છે હનીપ્રીત,કોઇનામાં તાકાત નથી તેની હત્યા કરવાનીઃ વિશ્વાસ ગુપ્તાકાશ્મીર મામલાનું આંતરરાષ્ટ્રીયકરણ કરવા ઇચ્છતા પાકિસ્તાનને ચીને પણ લાત મારી

 
Related News