India / Politics
દેશભરમાં રેયાન ઇન્ટરનેશનલ સ્કૂલ બહાર વાલીઓના ઉગ્ર વિરોધ પ્રદર્શન,સીબીઆઇ તપાસની માગણી,સ્કૂલ મેનેજમેન્ટ વિરૂદ્ધ કાર્યવાહી,ચેરમેન,સીઇઓ,એમડીએ કરી આગોતરા જામીન અરજી !
01:06 PM on 12th September, 2017

ગુરૂગ્રામની રેયાન ઇન્ટરનેશનલ સ્કૂલના ધોરણ 2ના વિદ્યાર્થી પ્રધુમ્ન ઠાકુર સાથે સૃષ્ટી વિરૃદ્ધનું કૃત્ય કરવાની કોશિશ અને હત્યાની અમાનવીય,ક્રૂર,જઘન્ય ઘટના પછી વાલીઓનો રોષ ફાટી નિકળ્યો છે.દિલ્લી,મુંબઇ અને અન્ય શહેરોમાં રેયાન ઇન્ટરનેશનલ સ્કૂલ બહાર વાલીઓ વિરોધ પ્રદર્શન કરી રહ્યા છે.રેયાન ઇન્ટરનેશનલ સ્કૂલના ચેરમેન,સીઇઓ અને એમડીને તેમની ધરપકડની શકયતા લાગતા આગોતરા જામીન અરજી કરી છે.પ્રધુમ્નના પિતાઓ આ ઘટનાની તપાસ સીબીઆઇ દ્વારા કરાવવાની માગણી કરી છે.

ઉલ્લેખનિય છે કે,સુપ્રીમ કોર્ટ આજે પ્રદ્યુમ્ન હત્યા કેસ સંબંધિત અરજીની આજે સુનાવણી કરવાની છે.ગઇકાલે જ્યારે સુનાવણી ચાલી રહી હતી ત્યારે પ્રદ્યુમ્નના પિતા વરૂણ ઠાકુર પર હરિયાણાના મુખ્યમંત્રી મનોહર ખટ્ટરનો ફોન આવ્યો હતો.ખટ્ટરે કહ્યું હતું કે,જો વરૂણ ઠાકુર પોલીસ તપાસથી સંતુષ્ટ ન હોય તો સીબીઆઇ દ્વારા તપાસ માટે પણ તેઓ તૈયાર છે.

 

મુંબઇના કાંદીવલી વિસ્તારમાં રેયાન ઇન્ટરનેશનલ સ્કૂલ આવેલી છે.સ્કૂલ બહાર વિરોધ પ્રદર્શન કરી રહેલા વાલીઓનું કહેવું છે કે,સ્કૂલ વિરૂદ્ધ અનેકવાર ફરિયાદો કરવા છતાં કોઇ પગલાં લેવામાં નતી આવતા.સ્કૂલમાં બાળકોને બધી સુવિધાઓ નથી મળતી.કયારેક તો પીવાનું પાણી પણ નથી હોતું.વૉશરૂમની પણ સમસ્યા છે.

દિલ્લીના મયુર વિહારમાં સ્કૂલ વિરૂદ્ધ પ્રદર્શન કરી રહેલા વાલીઓની માગણી છે કે,સ્કૂલમાં બધા ક્લાસ અને રવેશમાં સીસીટીવી કેમેરા લગાવવામાં આવે.વાલી અને શિક્ષક એસોસિએશન બનાવવામાં આવે.

પ્રદ્યુમ્નની હત્યાની ઘટનામાં સ્કૂલ મેનેજમેન્ટની બેજવાબદારી સામે આવતા સ્કૂલના મુંબઇ સ્થિત હેડકવાટર પર પણ તપાસ થઇ રહી છે.સ્કૂલ મેનેજમેન્ટના ચેરમેન,સીઇઓ અને એમડીને ધરપકડ થવાની આશંકા હોય આગોતરા જામીન અરજી કરી છે.

 
 

Read Also

 
Related News