India / gujarath
હર હર મહાદેવ....શંભો ! સોમવારથી શ્રાવણનો શુભ પ્રારંભઃ સોમનાથ સહિતના જ્યોતિર્લિંગ મંદિરો કૈલાસ,ભક્તો શિવગણો અને ગગનમાં ગાજતો બમ્ બમ્ ભોલેનો નાદ !
02:01 PM on 24th July, 2017

ભગવાન શિવ શંભુ,દેવોના દેવ મહાદેવ,ભોળેનાથના પૂજનના વિશેષ માસ.પવિત્ર માસ શુભ શ્રાવણનો આજથી પવિત્ર પ્રારંભ થયો છે અને તે પણ સોમવાર સાથે.શ્રાવણના પ્રાંરભે જ અતિ વિશેષ સોમવાર મળતા ભક્તો વિશેષ ખુશ છે.

 

 

શ્રાવણના પ્રારંભ સાથે જ હવે ધાર્મિક પર્વોની શરૂઆત થશે....તે છેક દિવાળી સુધી...પુરા પાંચ મહિના...શ્રાવણ પછી ગણપતિ.જન્માષ્ટમી,રક્ષાબંધન, નવરાત્ર,દશેરા,દિવાળી અને નવું વર્ષ...ઉત્સવ અને ઉલ્લાસ  !

આજે પવિત્ર શ્રાવણ મહિનાના પ્રથમ દિવસ અને પ્રથમ સોમવારે નાના ગામડાથી લઇ મહાનગરોના મોટા અને પ્રસિદ્ધ નવા-જુના શિવમંદિરો,ગલી,સોસાયટીઓ,મહોલ્લાની નાની નાની દેરીઓમાં બિરાજતા શિવજી અને બાર જ્યોતિર્લિંગ સ્થિત શિવજીની પૂજા-અર્ચના કરવા શિવ ભક્તો જળનો કળશ,દૂધ અને બિલી પત્રો લઇ શિવ મંદિરોમાં ઉમટી પડ્યા હતા.

 

 

બાર જ્યોતિર્લિંગોમાના પ્રથમ જ્યોતિર્લિંગ સોમનાથમાં આજે ભકતો ઉમટી પડ્યા હતા.સોમનાથનો દરિયો પણ આજે ભારે વરસાદને કારણે તોફાની બન્યો હતો.દરિયામાં ઉંચા ઉંચા મોજા ઉછળતા હતા અને કિનારા પર પણ જોશભેર ધસી આવતું પાણી જાણે શિવજીને અભિષેક કરવા જિદ્દે ચઢ્યું હોય તેવું લાગતું હતું.

સોમાનથ મંદિરમાં પુરા શ્રાવણ દરમિયાન ભક્તિ-પૂજા-આરતી-અર્ચનના અનેક વિશેષ કાર્યક્રમો યોજાશે.

 
 

Read Also

 
Related News