India / gujarath
કટ ગએ સર હમારે તો કુછ ગમ નહીં,સર હિમાલયકા હમને ન જુકને દિયા... માતૃભૂમિના રક્ષકો પ્રત્યે નાગરિકોની જવાબદારી...શહીદ સૈનિકોના પરિવારોની સહાય માટે શૌર્યપાત્ર...!
12:24 PM on 01st September, 2017

આપણે સુરક્ષિત છીએ કારણ કે,દેશની સીમાઓ સુરક્ષિત છે...કારણ કે,સેનાના જવાનો સીમા પર રાત-દિવસ જાગીને શત્રુઓને ડામીને બેઠા છે અને ગમે ત્યારે શત્રુની ગોળીથી વિંધાવા અને માતૃભૂમિ માટે પોતાની જિંદગીનું બલિદાન આપવા તત્પર છે.દેશની રક્ષા કરતા સૈનિકો માટે સમાજ જેટલું પણ કરે તે ઓછું છે. સરકારો તો સૈનિકોને પગાર કે પેન્શન આપવામાં અને વધારવામાં ઠાગાઠૈયા કરતી રહી છે અને કરતી રહેશે પણ દેશનો નાગરિક હવે સૈનિકો,શહીદ સૈનિકોના પરિવારોની ચિંતા કરતા થયો છે અને ખાસ કરીને શહીદ સૈનિકોના પરિવારોને આર્થિક મદદ કરવા સક્રિય બન્યો છે.આવો જ એક પ્રયાસ શરૂ થયો છે સુરતમાં.

 

સુરતના આઇ સપોર્ટ ફાઉન્ડેશન નામનું યુવા પેઢીનું એક મંડળ શહીદ સૈનિકોના પરિવારોની મદદ માટે ભંડોળ ભેગું કરી રહ્યું છે. ભહુ બધી દુકાનો અને ખાસ કરીને પાનના ગલ્લાઓ પર આજકાલ પ્લાસ્ટીકનો એક ખાસ પ્રકારનો ડબ્બો જોવા મળે છે જેના પર લખેલું હોય છે...ગાય માતાના ઘાસચારા માટે...આ ડબ્બામાં રૂપિયા પણ પડેલા હોય છે.

આજ પ્રકારે આઇ સપોર્ટ ફાઉન્ડેશન પણ કામ કરી રહ્યું છે.ફાઉન્ડેશનના સ્થાપક ભરત વરિયા કહે છે કે,તેમના ફાઉન્ડેશને એક ખાસ પ્રકારના ડબ્બા તૈયાર કર્યા છે જેને શૌર્યપાત્ર નામ આપ્યું છે.આ શૌર્યપાત્ર તેઓ ઘરે ઘરે જઇને લોકોને આપે છે અને કહે છે કે,શક્ય હોય તો ઓછામાંઓછો 1 રૂપિયો આ ડબ્બામાં નાખે,કોઇ ઇચ્છે તો વધુ પણ નાખી શકે છે.શૌર્યપાત્રમાં જમા થએલી રકમ 6 મહિના પછી શહીદ સૈનિકોના પરિવારોને આપવામાં આવશે. જે પરિવાર શૌર્યપાત્ર સ્વીકારવા સંમતિ બતાવે તેમની નોંધણી કરવામાં આવે છે અને આઇડી નંબર આપે છે.ફાઉન્ડેશનની વેબસાઇટ પણ છે જેના પર માહિતી આપવામાં આવે છે કે,કોણે કેટલા રૂપિયા જમા કરાવ્યા.

 

 

આઇ સપોર્ટ ફાઉન્ડેશને અત્યાર સુધીમાં 2000થી વધુ શૌર્યપાત્ર લોકોને આપ્યા છે.આગામી 6 મહિનામાં 10,000 લોકોને શૌર્યપાત્ર આપવાનું લક્ષ્ય છે.

ઉલ્લેખનિય છે કે,અભિનેતા અક્ષય કુમારે પણ આ રીતનો પ્રયાસ કરવાની વાત કરેલી.

 
 

Read Also

કહાનીમેં બડા ટ્વિસ્ટ....! ગુરમીતના ડેરાને બરબાદ કરી દેવાનું દાદાને આપેલું વચન પુરું કરી રહી છે હનીપ્રીત ? ગુરમીત સાથેનો સંબંધ હનીપ્રીતની ગહરી ચાલ હતી ? ગુરમીતે તેની ઇજ્જત લૂંટી તેનો બદલો લેવા હનીપ્રીતે આટલા વર્ષ પ્રેમનું નાટક કર્યું ?કુમારી જે. જયલલિતાના મોત અંગે AIADMKના નેતાને પણ શંકા, બીમારી અંગે દબાણ કરી ખોટું બોલાવાયુંનો સ્વીકારઉત્તર કોરિયા પછી હવે ઇરાન...અમેરિકાની જગત જમાદારી સામે વધી રહેલા પડકાર, ઇરાને કર્યું મિસાઇલ પરીક્ષણગુરમીતની LOVER છે હનીપ્રીત,કોઇનામાં તાકાત નથી તેની હત્યા કરવાનીઃ વિશ્વાસ ગુપ્તાકાશ્મીર મામલાનું આંતરરાષ્ટ્રીયકરણ કરવા ઇચ્છતા પાકિસ્તાનને ચીને પણ લાત મારી

 
Related News