India / gujarath
સ્વાઇન ફ્લૂ...રાજ્ય સરકાર ન રોકી શકી...કેન્દ્ર સરકાર રોકી શકશે ? સરકારી પગલાં અને સારવાર અપૂરતા અને અસફળ સાબિત થઇ રહ્યા છે...હવે ઉપાય-ઉપચાર શું ? સરકાર આઉટ ઓફ બૉક્સ જઇને કેમ નથી વિચારતી ?
12:59 PM on 23rd August, 2017

ગુજરાતમાં મહામારી બનવા તરફ આગળ વધી રહેલા સ્વાઇન ફલૂને નાથવામાં,રોકવામાં,અટકાવવામાં રાજ્ય સરકાર સફળ નથી થઇ રહી.વાત ગંભીર લાગતા કેન્દ્ર સરકારે વિશેષ ટીમ ગુજરાત મોકલી છે.આશા કરીએ કે,કેન્દ્રની ટીમ સ્વાઇન ફલૂને રોકવા-અટકાવવા માટે કોઇ કારગર ઉપાય આપીને જશે...પણ આવું બનશે ?

સરકારે સમજી લેવું જોઇએ કે,બધી બાબતો તેની સત્તા હેઠળ અને નિયંત્રણમાં નથી હોતી.બધી બાબતોના ઉકેલ રાજકીય નથી હોતા.બધી બાબતોમાં સરકારી તંત્ર નથી ચાલતું.સ્વાઇન ફ્લૂનો વધતો વ્યાપ અને વાવર,વધતા પોઝિટિવ કેસો અને વધતા મોત પરથી સરકારે સમજવું જોઇએ કે,સ્વાઇન ફલૂને અટકાવવા માટેના તેના પગલાં અને સ્વાઇન ફલૂના દર્દીઓને આપવામાં આવતી સારવાર સફળ નથી થઇ રહ્યા.સરકારી પ્રક્રિયાના પુનરાવર્તનો કે, કેન્દ્રની ટીમને બોલાવવાથી સ્વાઇન ફલૂ અટકી જશે ?...ના 

 

સ્વાઇન ફ્લૂના લક્ષણો અને સાવચેતીના પગલાંના બેનર્સ લગાવવા,છાપાઓમાં જાહેરાતો આપવાની સરકારી પાંરપરિક પ્રક્રિયાઓ અને બિનઉપયોગી દ્રષ્ટિને છોડી,અલગ રીતે અથવા તો જેને આઉટ ઓફ બૉક્સ જઇને વિચારવું પડશે અથવા તો આ રીતે વિચારવાનું શીખવું પડશે.

સ્વાઇન ફલૂને ડામવામાં અસફળ રહેલી સરકાર કઇ હદે ફીંફા ખાંડે છે તેની સાબિતી છે...આયુર્વેદના ઉકાળા.આ બાબત લાગે તો તીર નહીં તો તુક્કાની સરકારની માનસિકતા બતાવે છે.એલોપતી દવાઓ સ્વાઇન ફલૂને ન ડામી શકી તો સરકારે આયુર્વેદનો અખતરો કર્યો.આયુર્વેદના ઉકાળા સ્વાઇન ફલૂનો રામબાઇ ઇલાજ હોવાનો દાવો કરવાની સ્થિતિમાં છે સરકાર ? ના...નથી.

 

સ્વાઇન ફ્લૂનો ભોગ બેનલાઓને અખતરાના ઉપચારના ભરોસે છોડવાને બદલે સરકારે એ સારવાર આપવી જોઇએ જે સાજા-સારા થવાની ખાતરી આપતી હોય...સરકારે સંશોધકો,અનુભવી ડોકટર્સ,દવા કંપનીઓના રિસર્ચ એન્ડ ડેવલેપમેન્ટ વિભાગો,જરૂર પડે વિદેશમાં સંપર્ક કરી...એવી સારવાર લાવવી જોઇએ જે સ્વાઇન ફ્લૂને સંપૂર્ણપણે ડામી ન શકે તો કમસેકમ દર્દીઓ અને મોતની સંખ્યા તો શૂન્ય નજીક લાવી શકે.

ગુજરાતમાં હવે સ્વાઇન ફલૂ બારમાસી બીમારી અને જીવલેણ રોગ બની ગયો હોય અને જે સારવાર ઉપલબ્ધ છે તે સફળ નતી થઇ રહી તો સરકારની જવાબદારી નથી કે,સ્વાઇન ફ્લૂને અટકાવતી-રોકતી-ડામતી કોઇ દવા કે રસીના સંશોધન માટે ઘર આંગણાની કોઇ દવા ઉત્પાદક કંપનીને કહી સંશોધન કરાવે...

હાલની કોઇ દવા સ્વાઇન ફલૂના દર્દીને નથી બચાવી શકતી છતાં રાજ્ય અને કેન્દ્રની સરકાર આ જ દવાથી સારવાર-ઉપચાર કરતી રહેશે અને દર્દીઓને મરવા દેશે ? આતંકવાદને નાથવા આતંકવાદીઓથી બે ડગલાં આગળ રહેવું જોઇએ તેમ સ્વાઇન ફ્લૂને રોકવા પણ બે ડગલાં આગળ જ વિચારવું રહ્યું...સ્વાઇન ફલૂ પણ આતંક નથી શું ?


 
 

Read Also

કહાનીમેં બડા ટ્વિસ્ટ....! ગુરમીતના ડેરાને બરબાદ કરી દેવાનું દાદાને આપેલું વચન પુરું કરી રહી છે હનીપ્રીત ? ગુરમીત સાથેનો સંબંધ હનીપ્રીતની ગહરી ચાલ હતી ? ગુરમીતે તેની ઇજ્જત લૂંટી તેનો બદલો લેવા હનીપ્રીતે આટલા વર્ષ પ્રેમનું નાટક કર્યું ?કુમારી જે. જયલલિતાના મોત અંગે AIADMKના નેતાને પણ શંકા, બીમારી અંગે દબાણ કરી ખોટું બોલાવાયુંનો સ્વીકારઉત્તર કોરિયા પછી હવે ઇરાન...અમેરિકાની જગત જમાદારી સામે વધી રહેલા પડકાર, ઇરાને કર્યું મિસાઇલ પરીક્ષણગુરમીતની LOVER છે હનીપ્રીત,કોઇનામાં તાકાત નથી તેની હત્યા કરવાનીઃ વિશ્વાસ ગુપ્તાકાશ્મીર મામલાનું આંતરરાષ્ટ્રીયકરણ કરવા ઇચ્છતા પાકિસ્તાનને ચીને પણ લાત મારી

 
Related News