India / Politics
ત્રણ તલ્લાક અંગે સર્વોચ્ચ ન્યાયાલયના નિર્ણયનું સમ્માન પણ શરિયતમાં કોઇપણ પ્રકારની દખલગીરી સહન નહીં કરીએઃઓલ ઇન્ડિયા મુસ્લિમ પર્સનલ બોર્ડ
11:36 AM on 11th September, 2017

ત્રણ તલ્લાક ગેરબંધારણીય હોવાનો ચુકાદો સર્વોચ્ચ ન્યાયાલયે આપી દીધો અને દેશભરની મુસ્લિમ મહિલાઓને લાગે છે કે,તેમના લગ્નજીવનની અસ્થિરતાનો અંત આવી ગયો પણ કદાચ મંઝિલ હજુ દુર છે કારણ કે,ઑલ ઇન્ડિયા મુસ્લિમ પર્સનલ લૉ બોર્ડને લાગે છે કે,સર્વોચ્ચ ન્યાયાલયનો ત્રણ તલ્લાક અંગેનો ચુકાદો શરિયત કાનૂનમાં દખલગીરી છે.

 

ઑલ ઇન્ડિયા મુસ્લિમ પર્સનલ લૉ બોર્ડની બેઠક ગઇકાલે રવિવારે ભોપાલમાં મળી હતી.બેઠક પુરી થયા પછી બોર્ડના સદસ્ય કમાલ ફારૂકીએ મીડિયા સાથે વાત કરતાં કહ્યું કે,ત્રણ તલ્લાક પાપ છે પણ માન્ય છે.સર્વોચ્ચ ન્યાયાલયના ચુકાદાનું બોર્ડ સમ્માન કરે છે પણ કેન્દ્ર સરકારે સર્વોચ્ચ ન્યાયાલયમાં દાખલ કરેલા સોગંદનામા અંગે નારાજ છે.મુસ્લિમ પર્સેનલ લૉ પર આ હુમલો છે.બંધારણમાં આપવામાં આવેલી ધાર્મિક સ્વતંત્રતાનું કેન્દ્ર સરકાર હનન કરી રહી છે અને મુસ્લિમ સમુદાય આ વાત સહન નહીં કરે.

બેઠકમાં ઉપસ્થિત સાંસદ અસદુદ્દીન ઓવૈસીએ સર્વોચ્ચ ન્યાયાલયના ચુકાદા અંગે કાનૂનના જાણકારો સાથએ વાત-ચીત,ચર્ચા કરી ચુકાદાનો સારાંશ તૈયાર કર્યો હતો અને સારાંશનું લખાણ બોર્ડની કાર્ય સમિતિના બધા સદસ્યોને આપવામાં આવ્યું હતું. 

 

બોર્ડે કહ્યું કે,ત્રણ તલ્લાક વિરૂદ્ધ બોર્ડે અગાઉ જ પ્રસ્તાવ પારિત કરી દીધો હતો અને હવે તે માટે મોટાપાયે સામાજિક સુધાર કાર્યક્રમ ચલાવાશે અને આ માટે કેન્દ્ર સરકાર આર્થિક મદદ કરે.બોર્ડે કહ્યું કે,એક સાથે ત્રણ તલ્લાક આપનારનો સામાજિક બહિષ્કાર કરવામાં આવશે.

બોર્ડની બેઠકમાં બાબરી મસ્જિદ મુદ્દો પણ ચર્ચાયો.કમાલ ફારૂકીએ કહ્યું કે,સર્વોચ્ચ ન્યાયાલયમાં બાબરી મામલે ઉતાવળ કરવામાં આવી રહી છે.કોઇ એક પક્ષના વ્યક્તિના કહેવાથી આ ઉતાવળ કરવામાં આવી રહી છે.


 
 

Read Also

કહાનીમેં બડા ટ્વિસ્ટ....! ગુરમીતના ડેરાને બરબાદ કરી દેવાનું દાદાને આપેલું વચન પુરું કરી રહી છે હનીપ્રીત ? ગુરમીત સાથેનો સંબંધ હનીપ્રીતની ગહરી ચાલ હતી ? ગુરમીતે તેની ઇજ્જત લૂંટી તેનો બદલો લેવા હનીપ્રીતે આટલા વર્ષ પ્રેમનું નાટક કર્યું ?કુમારી જે. જયલલિતાના મોત અંગે AIADMKના નેતાને પણ શંકા, બીમારી અંગે દબાણ કરી ખોટું બોલાવાયુંનો સ્વીકારઉત્તર કોરિયા પછી હવે ઇરાન...અમેરિકાની જગત જમાદારી સામે વધી રહેલા પડકાર, ઇરાને કર્યું મિસાઇલ પરીક્ષણગુરમીતની LOVER છે હનીપ્રીત,કોઇનામાં તાકાત નથી તેની હત્યા કરવાનીઃ વિશ્વાસ ગુપ્તાકાશ્મીર મામલાનું આંતરરાષ્ટ્રીયકરણ કરવા ઇચ્છતા પાકિસ્તાનને ચીને પણ લાત મારી

 
Related News