India / Business
બેંક અને નાણાકીય સંસ્થાએ કોઇ વ્યક્તિ સાથે 50,000થી વધુ રોકડ રકમનો વ્યવહાર કરવો હશે તો તે વ્યક્તિના અસલી ઓળખપત્રની ચકાસણી કરવી પડશે
01:02 PM on 23rd October, 2017

કેન્દ્ર સરકારે આદેશ પ્રકાશિત કરી બેંકો અને અન્ય નાણાકીય સંસ્થાઓને કહ્યું છે કે,કોઇ પણ વ્યક્તિ સાથે જો 50,000તી વધુની રોકડ રકમનો વ્યવહાર કરે તો જે તે વ્યક્તિના અસલી ઓળખપત્રની ચકાસણી ફરજિયાતપણે કરે.કાળાનાણાંને રોકવા કેન્દ્ર સરકારે આ આદેશ કર્યો છે.આ આદેશ આપતા પહેલાં નાણા મંત્રાલયના રેવન્યુ વિભાગે મનીલોન્ડ્રિંગ નિયમમાં સુધારો કર્યો છે.

આ નવા નિયમ પછી હવે જો કોઇ વ્યક્તિ બેંક અથવા અન્ય કોઇ નાણાકીય સંસ્થા પાસે 50,000થી વધુની રોકડ રકમનો વ્યવહાર કરવા જાય તો જે તે સંસ્થાએ તેની પાસે જે તે વ્યક્તિના રહેલા ઓળખપત્રની નકલને જે તે વ્યક્તિના અસલી ઓળખપત્ર સાથે સરખાવવાની રહેશે અને લખપત્રની નવી કોપી પર નાણાકીય વ્યવહારની વિગતોની નોંધ રાખવી પડશે.બેંક,નાણાકીય સંસ્થા સહિત શેરબજાર જેવી અન્ય મધ્યસ્થ સંસ્થાઓએ તેમના ગ્રાહકોનો પુરો રેકર્ડ નાણાકીય ગુપ્તચર વિભાગને આપવો પડશે.

 

 

નવા નિયમ મુજબ 50,000થી વધુની રોકડ રકમના વ્યવહાર પહેલા જે તે નાણાકીય સંસ્થાએ તેના ગ્રાહકની ઓળખ સ્થાપિત કરવી પડશે.ગ્રાહક તેનું ઓળખપત્પ આપે તેની ખરાઇ કરવી પડશે.રોકડ રકમના વ્યવહારનું કારણ શું છે તે જાણવું પડશે.જે વ્યક્તિ સાથે રોકનો વ્યવહાર થઇ રહ્યો છે તેની સાથે શું ધંધાકીય સંબંધ છે.

આ નિયમનું પાલન નાણાકીય સંસ્થાઓ ઉપરાંત શેર દલાલ,ચિટ ફંડ કંપનીઓ,સહકારી બેંકો,હાઉસિંગ ધીરાણ કંપનીઓ,બિન બેંકિંગ નાણાકીય સંસ્થાએ પણ કરવાનું રહેશે.

નવા નિયમ મુજબ 50.000થી વધુની રોકડ રકમનો વ્યવહાર કરવા માટે ગ્રાહકે તેનું બાયોમેટ્રિક આધારકાર્ડ બતાવવું પડશે.આ ઉપરાંત અન્ય સરકારી દસ્તાવેજો પણ બતાવવા પડશે જે દસ્તાવેજો જે તે નાણાકીય સંસ્થા પાસે હોય.

 
 

Read Also

 
Related News